Historia
IKASTOLAKO HISTORIA LABURRA
Seme-alabak euskaraz bizi, hezi eta hazi nahi zituzten guraso talde bat 1969. urtean Iruñean ireki zen Ikastolarekin batera ekin zion bere ibilbideari Olaztiko Ikastolak. Ondoren Altsasukoa etorri zen, 1971. urtean eta 1972 garrenean Urdiaingoa. Ez ziren garai errazak, hala ere euskarak Bianako Printzearen erakundean ate zirrikitu arnasgarria aurkitu zuen. Diputazioak Ministeritzarekin akordio bat sinatzeko Iruñera eta Madrilera egindako joan etorriak etengabeak izan ziren. Azkenean 1981ean orduko OHO legeztatu zen eta 1990. urtean Haur Hezkuntza.
Altsasuko Ikastola, esate baterako, adin ezberdinetako 39 umeekin hasi zen. Hilero, ume bakoitzeko garai hartako 100 pezeta ordaintzen zen.
Iñigo Aritza Ikastolak Etxarri Aranatzko Andra Mari Ikastolarekin batera, Gurasoen kooperatiba osatzen dute. Gaur egun, Iñigo Aritzak 335 ikasle ditu, eta Ziordi, Olazti, Altsasu eta Urdiaingo umeak hartzen ditu. Ikastetxe euskalduna da, plurala eta ez diskriminatzailea. Euskal Herriko eremu historiko, soziala, politiko, ekonomiko eta kulturalaren barruan kokatua dago.
Olaztiko Ikastolako hasiera. 24 ikasleekin hasi zen eta bi andereño, Mikele Aierdi eta Milagros Lopez de Goikoetxea.
Altsasuko Ikastolako hasiera San Juan kaleko etxebizitza batzuetako bajeran. 39 ikasle eta bi andereñoekin ireki zen, Olaztitik etorri zen Mikele Aierdirekin eta Alazne Mercerorekin.
Urdiaingo Ikastolaren hasiera. 6 ikasleekin ireki zen eta Edurne Iriarte andereñoarekin.
San Juan kaletik Labaderora.
Labaderotik Domingo Lumbierrera OHOko lehenengo kurtsoak egitera. Haur Hezkuntza Labaderon geratzen da.
Bailarako ikastolek bat egin eta San Miguel de Aralar Kooperatiba sortu zuten. Ikasturte honetan Andra Mariko ikasleak etorri ziren OHO ikastera.
OHOko lehenengo promozioa atera zen.
Altsasuko udalak lur saila eman zuela kontuan hartuta, bailarako juntak egoitza nagusia Altsasun eraikitzea erabaki zuen. Basomuturreko Ikastolara OHOko ikasketak egitera etortzen ziren.
Lehen Nafarroa Oinez ospatu zen Altsasun Sakanako Ikastolen alde.
Ziordiko lehen ikasleen matrikulazioa Olaztiko Haur Hezkuntzako Ikastolan.
Iturmendi haratagoko herrietako ikasleak Etxarrin ezarri zen Ikastolara joaten hasi ziren.
Ikasturtean Altsasuko Eskola Publikoan "D" eredua ezarri zen eta Iñigo Aritzan 43 baja izan ziren.
Ikastolaren ondasunen bahitura jasotzen dugu, Madrilgo lehenengo instantziako epaitegitik.
Nafarroako Gobernuarekin lehenengo kontzertua sinatu zen.
Ikastolaren alde "Irrintzi" egitaraua antolatu zen. Tartean Joe Cocker, La Cubana, Imanol, Zortziko….
Pena handiz, Urdiaingo Ikastola itxi zen.
Iñigo Aritza Ikastolaren aldeko lehen Nafarroa Oinez Altsasun ospatu zen.
Sakana Ikastolaren izenpean DBH ezarri zen. Lerro bat Andra Mari ikastolan eta bestea Iñigo Aritzan.
Altsasuko Ikastolako 25. urteurrena ospatu genuen.
Domingo Lumbierretik Navarro Villosladara, Haur Hezkuntza.
Iñigo Aritza Ikastolako bigarren Nafarroa Oinez Olaztin ospatu zen.
Haur Hezkuntzako gelak, Navarro Villosladatik Txioka eraikuntza berrira pasa ziren.
Txioka Haur Ikastolako inauguratu genuen.
Olaztiko Ikastolaren 40. urteurrena ospatu genuen.
KEI Kalitate Egitasmo Integrala saria jaso zuen lehen ikastetxea.
Pena handiz, Olaztiko ikastola itxi zen 43 urte pasa ondoren.
Iñigo Aritza Ikastolako 3. Nafarroa Oinez Altsasun ospatu zen.
