Nor Gara

KALITATE EZAUGARRIEN DEFINIZIOA

Iñigo Aritza Ikastola, ikasleak osotasunean heztea xedetzat duen hezkuntza ikastetxea da, pertsonaren alderdi guztiak kontutan hartuz: oreka emozionala, balore eta jarrera etiko eta sozialen onarpena, prestakuntza intelektuala, garapen fisikoa.... Ikastetxe euskalduna den heinean, bere ikasleak euskara eta euskal kulturaren ezagupen sakonez hornitu nahi ditu, euskara komunikazio tresna bihurtuz berauekin lotura afektibo sakonak sortuz eta aldi berean inguruko eta mundu zabaleko hizkuntza eta kulturekiko jarrera irekiak sustatuz.

Ikastola ikastetxe irekia, anitza, ez diskriminatzailea da, gizartean ematen diren aldaketa azkarrei eta heziketa premiei egokitzeko bertako profesionalen eguneroko prestakuntzaren bidez etengabeko bilakaeran ari dena, bertaratzen diren ikasleen aniztasunari erantzuten dakiena bere hezkuntza proiektuan integratuz.

Eztabaida elkarlana eta koordinazioa tresna nagusitzat hartuz, gure Ikastolak kudeaketa eta funtzionamendu eredu egoki eta eraginkorrak ezarri nahi ditu, bai erabakiak hartzerakoan edota ardurei aurre egiterakoan hezkuntza komunitateko kide guztien partaidetza sustatuz.

Ekimen sozialetik sorturiko erakundea izaki, Iñigo Aritza Ikastolak gizartean n eraginkorra izan nahi du hezkuntza, euskara eta euskal kulturaren esparruan, eta gainerako ikastolekin batera Euskal Herriko Eskola Nazionala osatu nahi du.

EGINKIZUNA

Iñigo Aritza Ikastola kolektiboa, gurasoen irakaskuntza, kooperatibaren jabetza, bere baitan Olazti, Ziordi, Altsasu eta Urdiaingo eremu geografikoa biltzen duena, ikastetxe euskalduna, anitza, ez diskriminatzailea eta akonfesionala da, Euskal Herriko ingurune historiko, sozial, politiko, ekonomiko eta kulturalean integratua.

Euskal Curriculumaren ildoak jarraituz, Ikastola honen xedea ikaslearen erabateko prestakuntza da, pertsona arduratsu, adeitsu, solidario, autonomo, jakin-nahi, gaitasun kritikodun, parte hartzaile, irizpidedun eta ondorengo ikasketak egiteko edo lan munduan sartzeko akademikoki eta linguistikoki egoki gaitua. Gainera, heziketa euskalduna eskaintzen die bere neska mutilei, euskara bere komunikazio eta harreman tresna arrunt bilaka dadin.

Aipatutako helburuak lortzeko, Iñigo Aritzak badu euskal kultura eta hizkuntzaren transmisio, garapen eta sendarpenean konprometitutako profesional talde egonkor eta prestatua eta horrekin batera, ikasleen, gurasoen eta langile ez dozenteen konpromisoa ikastetxearen egitasmoan.

Ikastola behar diren bitarteko materialen jabe da. Metodologia motibatzaile, erakina eta irakaskuntza esanguratsua lantzen ditu bere ikasleen behar, aniztasun eta adin desberdinei egoki eta eraginkortasunez erantzuteko. Gainera, talde-lana, elkarrizketa, begirunea, tolerantzia eta solidaritatea bezelako balore eta jokaera demokratikoak garatuko ditu.

Ikastolak xedetzat duen heziketak, gizartearen etengabeko aldaketek sortzen dituzten eskakizun eta premia berriei, eta ikasleen aniztasunari era egokian erantzun diezaion, bertako profesional guztien formazio eta eguneratze egitasmoak sustatzen ditu.

IKUSPEGIA

Euskara eta euskal kulturarekiko ezagupena eta lotura afektiboak bermatzea eta mundura irekia
euskal kulturaren eta euskararen ezagutza eta erabilpena eta horiekiko lotura afektibo sakona duten ikasleak heziko dituena, eta hauen gurasoen inplikazioa lortzen saiatuko dena beti ere inguruko eta mundu zabaleko hizkuntza eta kulturarekiko jarrera irekiak sustatuz.

Heziketa integrala: alderdi moralak, emozionalak, fisikoak, intelektualak... (26)
Ikasleak osotasunean heziko dituena, pertsonaren alderdi guztiak kontutan hartuko dituena: oreka emozionala, balore etikoak, prestakuntza intelektuala, garapen fisikoa, gizarte baloreak...

Gizartearen aurrean eraginkorra izatea ikastola bera
Gizartearen aurrean eraginkorra eta aintzindaria izango dena hezkuntza, euskara eta euskal kulturaren esparruan.

Komunitate osoaren partaidetza eta koordinazioa, komunikazioa eta ardurak gure gain hartzea
Eztabaida, koordinazioa, elkarlana begirunea eta komunikazioaren bidez, erabakiak hartu eta ardurei aurre egiterakoan hezkuntza komunitateko kide guztien partaidetza sustatuko duena.

Ikastetxe irekia eta integratzailea: aniztasuna
Ikastetxe irekia, anitza eta ez diskriminatzailea, akonfesionala eta gizartearen eskakizunei erantzuteko prest izango dena, bere ikasleen aniztasunari aurre egiteko gaitasuna izango duena eta hauek bere hezkuntza proiektuan integratuko dituena.

ERAKUNDEAREN BALIOAK

1.-EUSKARA ETA EUSKAL KULTURA.

Euskara gure herriko hizkuntza izanik, Ikastolak euskaraz bizitzeko eskubide eta betebeharraren alde egiten du.

Bere zeregina pertsonak heztea izanik, beste kultura eta hizkuntza batzuetara irekiak egonik ere, euskararen eta euskal kulturaren berezko nortasun eta idiosinkrasia izango ditu oinarri (ohitura, tradizio, historia...).

Euskara eta euskal kulturaren ezagutza eta horiekiko lotura afektibo sakona duten ikasleak heziko dituena, beti ere inguruko eta mundu zabaleko hizkuntza eta kulturarekiko jarrera irekiak sustatuz.

Ikastolak ikasle berrien euskalduntze prozesua burutuko du, horretarako murgiltze eredua jarraituko du eta lehenengo eskolatzeari arreta berezia eskainiko dio.

Heziketa euskalduna eskainiko die bere neska-mutilei, euskara bere komunikazio eta harreman tresna arrunt bilaka dadin.

Haurraren bizi soziala osatzen duten harremanetan euskararen erabilera bultzatuko du. Hizkuntzaren berreskurapen eta normalizazioa helburu izanik, kontzientziatze maila eta gure inguruko motibazioa landuko dituelarik.

2.-ANITZA, IREKIA ETA EZ DISKRIMINATZAILEA.

Iñigo Aritza Ikastola ikastetxe anitza eta irekia da, eta arrazoi ideologiko, erlijioso, politiko, sozial, ekonomiko, arrazako ... edo beste edozein arrazoi dela medio ez da inor diskriminatua izanen. Ikastola akonfesionala da, hezkuntza komunitateko kideen aukera filosofiko eta erlijioso guztiak errespetatu eta baloratuko ditu.

Ikastolak norabide EZ diskriminatzailean lan eginen du, eta koheziketa benetakoa eta eraginkorra izan dadin ahaleginduko da. Ikastola urritasun fisiko nahiz psikikoak dituzten ikasleak integratzearen aldekoa da. Eta nahiz eta integraziorako ikastetxe bat ez izan horrelako kasuak ahal dela hartuko dira.

3.-OINARRIZKO BALOREAK LANDUKO DITUENA.

Ikastolak, bere ikasleei gizarte demokratiko baten oinarrizko baloreak transmitituko dizkie, hau da, besteekiko eta bere buruarekiko begirunea, askatasuna, ardura, norbere autonomia, solidaritatearen esanahia, gauzak ongi egin nahi izatea....eta gure gizartearen hobekuntzan parte hartzera konbidatuko die.

Ikasleei emango dien informazioa objektiboa izanen da, pixkanaka bakoitzak bere irizpideak izan ditzan eta errealitatearen analisia eginda erabaki arduratsuak har ditzaten. Ikasleak osotasunean heziko dituena, pertsonaren alderdi guztiak kontutan hartuko dituena: oreka emozionala, balore etikoak, prestakuntza intelektuala, garapen fisikoa, gizarte baloreak...

Curriculum propioaren ildoak jarraituz, ikastola honen xedea ikaslearen erabateko prestakuntza da, pertsona arduratsu, autonomo, kritiko, parte hartzaile eta ondorengo ikasketak egiteko edo lan munduan sartzeko akademikoki eta linguistikoki egoki gaitua.

4.-PARTEHARTZEA

Eztabaida eta koordinazioa tresna nagusitzat hartuz, gure Ikastolak kudeaketa eta funtzionamendu eredu egoki eta eraginkorrak ezarri nahi ditu, bai erabakiak hartzerakoan edota ardurei aurre egiterakoan hezkuntza komunitateko kide guztien partaidetza sustatuz.

Ikastolak bere kide guztiek haren funtzionamenduan parte har dezaten eta lagundu dezaten zainduko du, guraso, irakasle edo ikasleak, irakaskuntza eta ikastetxean elkarbizitzaren garapen hobea errazteko.

Ekimen sozialetik sorturiko erakundea izaki, Iñigo Aritza Ikastolak gizartean n eraginkorra izan nahi du. Haren kide guztiek parte hartu eta lagunduko dute bere funtzionamendu on eta gestio eraginkorrean , eta beste erakunde publiko nahiz pribatuekin elkarrekin lanean aritzeko.

Hezkuntza-komunitatea osatzen duten guraso, ikasle eta irakasleen inplikazioa erabatekoa da ikastetxearen egitasmoan.